तेस्रो वाना रनिङ शिल्ड खुल्ला पुरुष तथा पालिका स्तरीय खुल्ला महिला भलिबल प्रतियोगिताको तयारी पुरा भएको छ । आगामी फागुन ३ देखि ७ गतेसम्म सञ्चालन हुने प्रतियोगिताको तयारी पुरा भएको आयोजक वाना युथ क्लवले आइतबार पत्रकार सम्मेलन मार्फत जानकारी दिएको हो ।

संखुवासभाको पाँचखपन नगरपालिका ६ वाना रंगशालामा हुने प्रतियोगिताको सह आयोजना पाँचखपन महिला सशक्तिकरण सञ्जाल समिति रहेको छ । २०७७ सालदेखि सुरु गरिएको उक्त प्रतियोगिता दाताहरुको सहयोग सञ्चालन हुँदै आएको क्लवका अध्यक्ष सुबोध श्रेष्ठले जानकारी दिए।

प्रतियोगितामा पुरुष भलिबल तर्फ प्रथम हुने समूहले ३ लाख ३६ हजार ६ सय ३६, दितीयले १ लाख ७७ हजार ७ सय ७७, तृतीयले ७७ हजार ७ सय ७७ र सान्त्वना स्थान हासिल गर्ने समूहले ३३ हजार ३ सय ३३ रुपैंया साथमा शिल्ड, मेडल र प्रमाणपत्र प्राप्त गर्नेछन् । यस्तै महिला तर्फ प्रथम हुने समूहले ५१ हजार १ सय ५१, दितीयले ३१ हजार १ सय ११, तृतीयले २१ हजार १ सय ११ र सान्त्वनाले ११ हजार १ सय ११ रुपैंया शिल्ड, मेडल र प्रमाणपत्र प्राप्त गर्नेछन् ।