यमनको राजधानी सानाको एक विद्यालयमा रमजानको लागि दान लिन भेला भएकाहरुबीच भागदौड हुँदा ८० जनाको मृत्यु भएको अधिकारीहरूले बताएका छन् । कयौं मानिसहरु घाइते भएको र १३ जनाको अवस्था गम्भीर रहेको बताइएको छ ।

घटना शहरको बाब-अल-यमन क्षेत्रमा भएको हो । सामाजिक सञ्जालमा सार्वजनिक भएको भिडियो फुटेजमा विभत्स दृश्यहरु देखिएको छ । सयौं मानिसहरू विद्यालयमा वितरण भइरहेको दान लिनका लागि भीडमा सामेल थिए । सोही क्रममा भागदौड भएको बताइएको छ ।

प्रति व्यक्ति लगभग ९ डलरका दरले मानिसहरुलाई पैसा बाँडिएकाले त्यहाँ ठूलो भीड जम्मा भएको थियो । हाउथी विद्रोहीले सन् २०१५ मा सरकार हटाएपछि सहरको नेतृत्व गरिरहेका छन् । पैसा वितरण गरिरहेकाहरुलाई हिरासतमा लिइएको छ र अनुसन्धान भइरहेको आन्तरिक मन्त्रालयले जनाएको छ ।