काठमाडौं । सरकारका प्रतिनिधि र राष्ट्रिय आविष्कार केन्द्रका संस्थापक महावीर पुनबीच साेमबार पनि वार्ता हुने भएकाे छ ।

आइतबार भएको वार्ता निष्कर्षमा नपुगेपछि साेमबार फेरी वार्ता हुन लागेको हो । वार्तामा सहभागीहरुले आइतबारको वार्ता मौखिक रुपमा सहमति नजिक पुगेको बताएका थिए । सोमबार लिखित रुपमा सहमति हुन सक्ने उनीहरुको तर्क छ ।

पुनले अनुसन्धान, नवप्रवर्तन र आविष्कारको क्षेत्रमा राज्यले लगानी बढाउनुपर्ने माग गर्दै गत शुक्रबारदेखि माइतीघर मण्डलमा अनिश्चितकालीन धर्ना दिंदै आएका छन् ।