ललितपुर । वातावरणीय प्रदुषणले युवामा पर्ने असर बारे कार्यशाला गोष्ठि सम्पन्न भएको छ । जिल्ला समन्वय समिति ललतिपुरको सभा हलमा एक दिने कार्यशाला गोष्ठि सम्पन्न भएको हो ।

डिभिजन वन कार्यालय लालितपुरसँगको सहकार्यमा आदिवासी जनजाति महिला युवा सञ्जालले कार्यशाला गाष्ठिको सम्पन्न गरेको हो ।

जलवायु परिवर्तन बारे युवाहरुमा चेतना अभिवृद्धि,जलवायु परिवर्तन अनुकुलनका बारेमा क्षमता विकासका साथै आगामी दिनमा जलवायु परिवर्तनसँगै अनुकुलन हुन युवाहरुको भूमिका र कर्तव्यको वारेमा चेतना विकास गर्ने उद्देश्यले गोष्ठि सञ्चालन गरिएको कार्यक्रम सञ्चालिका जेनी कायस्थले जानकारी दिइन ।

कार्यक्रममा वातावरणीय प्रदुषण विषयलाई आधार बनाएर कार्यपत्र प्रस्तुत गरिएको थियो । कार्यक्रममा जिल्ला समन्वय समिति ललितपुरका प्रमुख ऋषिदेव फूयाल, ललितपुर ६ का वडाध्यक्ष रुपेन्द्रराज शाक्य,वन निर्देशनालय मकवानपुरका वन निर्देशक विद्यानाथ झा,वन डिभिजन कार्यालय ललितपुरका सहायक वन अधिकृत प्रेमा थापालगायतले धारणा राखेका थिए ।