संखुवासभा । संखुवासभाको मकालु गाउँपालिकास्थित चिचिलामा जिप दुर्घटना भएको छ । आज दिउँसो ४ बजे को १ झ ७०० नम्बरको बोलेर जिप चिचिला-४ धजेमा दुर्घटना भएको हो । मकालुको नुमदेखि सदरमुकाम खाँदबारी आउँदै गरेको जिप सडकदेखि ५० मिटर तल खसेको प्रहरीले जनाएको छ ।

दुर्घटनामा चालक लोकेन्द्र तामाङ, इन्जिनियर गायत्री घिमिरे र कर्मचारी दिनेश पराजुली गम्भीर घाइते हुनु भएको जिल्ला प्रहरी कार्यालय संखुवासभाका प्रहरी निरीक्षक भुवनबाबु खड्काले जानकारी दिनुभयो ।

घाइते तीनै जनालाई उपचारका जिल्ला अस्पताल सङ्खुवासभा ल्याइएको छ । दुर्घटनामा परेको बोलेरो जिप मकालु गाउँपालिका अध्यक्ष वाङदी शेर्पाले प्रयोग गर्दै आउनुभयो थियो ।