काठमाडौं । सलन केसीको नेतृत्वमा नेपाल इन्जिनियरिङ कलेजमा नेविसंघ इकाई समिति गठन भएको छ । ‘बलियो कांग्रेसका लागि नेविसंघ’ भन्ने मुल नारासहित सम्पन्न अधिवेशनले केसीको अध्यक्षतामा इकाई कार्यसमिति चयन गरेको हो ।

नेपाली कांग्रेस बागमती प्रदेश सदस्य सुरेश श्रेष्ठको प्रमुख आतिथ्यतामा भएको इकाई अधिवेशनमा काठमाडौं २ का सभापति कबिर शर्माले विशिष्ठ आतिथ्यता ग्रहण गरेका थिए । श्रेष्ठ र शर्माले नवगठित समितिलाई हौसला र शुभकामना व्यक्त गरेका थिए । नवगठित समितिका अध्यक्ष सलन केसी कागेश्वरी मनोहरा ६ का बासिन्दा हुन  ।