सारङ्गीले -याइँ -याइँ प्रीत लगायाे
लाेकभाका गिदाङ्गेले गीत सुनायाे ।१।

झरे आँसु बलीन्द्रका पिर बसायाे
दुखियाका टुटून् दु:ख हित चितायाे ।२।

विगतकाे कहानीले प्यार पलायाे
सन्देश भाे गाइने दाइ! बेथा हरायाे ।३।

साेर तार सारङ्गीले आँसु रसायाे
धीत मर्ने गरी छाेयाे माया गँसायाे ।४।

सहर बस्ती गाउँ डुल्दै बाेल्दे सारङ्गी
लगाइदे न मलमपट्टी खाेल्दे सारङ्गी !।५।

गाइने दाइकाे बाेली मिठाे गलाे खाेलिदे
जन्मथलाे नेपाल यै भलाे बाेलिदे ! ।६।

घरगाउँकाे आँगनीमा चाैतारीमा आइदे
मायापीर्ति लाइदे चाेखाे द्याैरालीमा गाइदे ! ।७।
———000——-
मादी, सङ्खुवासभा
हाल: लाेकन्थली,भक्तपुर ।